PUBG Ban sahi ya Galat?

 Hello Dosto,

Jaisa ki hum sabhi jante hai ki is samay hamare pyare desh India aur hamare parosi  desh China me war jaisa mahol chal raha hai. Aur jab se hamare 20 Jawan sahid hue tab se desh ka har ek nagrik gusse me hai..aur yah sahi bhi hai koi bhi desh kisi bhi kimat par hamare mulk par yuh hi kabja karne ki nahi soch sakta. Aur fir tab jab hum sabhi hindustanio ke liye 'Yah Dharti hamari Maa samana hai'. Waise dekha jaye to yah tension dono desho ke beech nayi nahi hai balki yah to saal1947 se hi chal raha hai. Dono desho ke relation 1947 se hi smooth kabhi nahi raha but ajadi ke baad se hi dono desh apni apni conditions ke saath aange badte rahe aur progress karte rahe. Lakin itne saalo me kayi baar aisa mauka aaya jab kayi baar China ne India ko apni takat dihayi ya dikhane ki kosis ki gayi aur India ki side se bhi time ki jarurat ke hisab se usi lahje me jaewab diya gaya.

But yah saal hai 2020 ka aur current samay me kaha jata hai ki dunia ek global village hai jaha par sabhi desh ek dusre se jude hue hai aur apni apni jarurat ke hisab se saman aur technology share karte hai. Aur vartmaan samay me dekha jaye to har desh ke liye economy hi sab kuchh hai. Bina economy ke koi bhi desh na to khud survive kar sakta hai aur na hi apne desh ke logo ka pet bhar sakta hai. 

To hamare jawano ke 'Sahid' hone ke baad hamari government ne bhi yahi paln banaya ki q na hum apne desh se China jane wale paiso par rok lagaye aur China ko bhi ek kathor message de sake ki hame hamare borders par ya desh ke nagriko par kisi bhi tarah ki chhed-chhaad pasand nahi hai. Aur isi plan ke tahat hamri Government ne nahut sare apps par ban laga diya jisme se ek PUBG bhi tha. 

Lakin PUBG band hone ke kuchh samay baad hi hamre desh ke Yuva logo me ek bahas si chhid gayi ki yah sahi hua ya galat hua. Lakin baat yaha par sahi ya galat ki nahi hai..na hi kisi ko galat ya sahi prof karne ki hai.. baat hai desh ki safety ki baat hai desh ke saniko ka manobal badane ki. Taki sarhad par kahada har ek sainik yah mahsoos kar sake ki desh ka har ek nagrik aur yuva aaj uske saath khada hai.

Aur dekha jaye to PUBG jaise apps ki vajah se hamare desh me kayi youth ne apni jaan gava di..kisi ko heart attack pada to koi PUBG ki vajah se depression me aa gaya aur khud ko nuksaan pahucha liya. To ab yah aap khud ko decide karna hai ki is app ka ban hona sahi hai ya galat. But mai yah aap sab ko bata dena chahta hu ki koi bhi app ya game kisi ki bhi jaan se bada nahi ho sakta hai na ki desh ki security se bada ho sakta hai  na ki desh ke maan se bada ho sakta hai.

Waise dekha jaye to PUBG jaise apps ke ban hone ke baad hamare desh ke youth ko khud ke liye time milega. Apne parivaar ke saath time spend karne ka mauka bhi milega aur chahe to wo log is time ka utilization kar ke khud ke liye ek best future ki suvaat bhi kar sakte hai jisse wo apne parivaar aur desh dono ki unnati ke bhagidaar bhi ban sakte hai.

--Sateesh an Indian